Xibaaryi.com - Dal bi njëkk ci tasum xibaar ak làkki réew mi.

· Kuy jàpp jaan doo faale jiit
· Balaa soloo baax, solo yàqu
· Benn pombiteer bu nëb yàq na pañe
· Bey, ci sa wewu tànk
· Ëllëg, ëllëgu Yàllaa
· Fagaroo gën faju
· Jàpp ci gittax ba for yat
· Jikko ak boroom : pax rek
· Kéwél du tëb, doom ja bëtt
· Ku amul ndey, nàmp maam
· Ku bëreey daan
· Ku jiin Njaaga, te yaay Njaag
· Ku ndobin rey sa maam, boo gisee lu ñuul daw
· Ku yar sa mbër, yow lay jëkk a daan
· Kuy xalam di ca jaayu
· Lebtoo, feytoo
· Boroom lal a xam màtti lalam
· Lu ëpp tuuru
· Lu jot yomb
· Lu waay def boppam - Lu waay rendi ci loxoom lay nàcc
· Lu yëngu am na lu ko yëngal
· Xalangu dajul suuf
· Njuumte du ñàkk, yàgg caa bon
· Paaka ba lay rey, sa mbokk a koy daas
· Su la mbaam wéqee, nga wéq ko, yéen a yem
· Toŋ-toŋ u naat, su wëreem réew dunx yaa tax,
· Dëgg bu duggeeb nopp, dëngal du ko dindi
· ngasum puloox boo ca naree yoorub goj, rombu nga reen ba.
· Rayub tubaab yombu na, waaye fekke njaal maa jafe.
· Tàmm laago la
· Tepp-teppal mooy indi xuus
· Waññ boo gis ci benn lay doore
· Yàlla Yàlla bey sa tool
· Yàkkamti yàqule
· Yàkkamti, yàqati
· Béy wéy na mbuus
· Ku topp sa bakkan góob sa naqar
· Li ci kanam rawul i gët
· Bu ndox tuuroo am bàq a fa des
· Bu gudd nopp doon tax di njiit mbaam di sunu yilimaan
· Bëñ weex na lool waaye dereet a ko lal
· Cërub ma xàjj, ma xujj a koy jël
· Dama laa bëgg maa la raw sëy bu mu takk, dangaa reew yaa ma raw a koy tas
· Màndargay dof ŋelaju ca la
· Dëkkandoo jàmm a ca gën
· Fët-Fët tàggalewul mbaam aki noppam
· Góor gu tàyyeel, gàtt wërsëg, néewi soppe
· Gumba tal na lu dul tëbi kàmb
· Gumba du jiite rëbbum jaan
· Ay du weesu baay dee na
· Àdduna weeru koor la, fàww jant so nga doora wàññi bis.
· Am saxul, ñàkk saxul
· Bala ngaa xam xamadi xaw laa ray
· Bu/Su yoon jeexul waaxusil du jeex
· Boroom ñeenti tànk du lab
· Boroom mbaam a xam mbaamam
· Bët du yanu waaye xam na lu bopp àttan
· Bakkan waraw dàll la, buy dagg dooko yëg
· Doomi ñay bu ko ñaanal mu rëy, ñaanal ko gudd fan
· Doomi mbër jàngil bëre, yàgg-yàgg dees na la ñam
· bor du am rak
· Xaaxom taneewulub dagg lum koy sikkee
· ku jur yërëm, ku jënd sakkanal
· Ku xeeb saw làkk, yokk sag ñàkk
· àtte bor, fay
· Mag matt ma muy jaaroo ba muy gone la koy taxan
· Garab gay doon pénc, lawbe du ko gaaw a gis.
· Sama bopp a ma la gënal du bañ naa la.
· Ganaar gunu gàddu xamul yoonu ja bu sore.
· Tungune du teew ñuy nataal
· Koo yaakaar, Yàlla la yaakaar
· Fegu moo gën faju
· Ku la may bët nga xool fu ko neex.
· Kenn xéyul mën, kenn xéyul tële
· Ay sangaleñ, bu ñu booloo wat wer
· Àbb delloo ca gën
· Ku bëgg foo joxoñ jant feggee fa; Deel joxoñ pénku
· Lu bant yàgg-yàgg ci ndox, du tax mu soppaliku mukk jasig
· Lu defu waxu, lu aaye di jàmbat
· Ndànk-ndànk mooy jàpp golo ci ñaay.
· Xel bu doon jaay lamb
· Ku ëmb sa sanqal, ëmb sa kersa
· Dige bor la
· Dëgg du juddu rekk màgg
· Li ngay dàq mu jëm àll, dàq ko mu jëm kër
· Yëfu jaambur du yëf

[ Dellul ci xët bi weesu ]