Seneweb.com : Dibéer 4 Awr 2010
[WIDEO - NATAAL] Yékini daan na Tyson ci juróom-benn minit

Yaxya Jóob daan na dibéer jii Moamed Ndaw Tyson, di firdéel ne mooy buuru làmb ji, bëréem yépp la daan. Ñaari mbër yi xoolante nañu lu yàgg, laata ñuy laale. Bi ñu defee ñetti minit, arbit bi wooleen ci digg aren bi. Moamed Ndaw a njëkk a làmb Yékini, jaaxal ñu bari ci seetaankat yi. Ba mu ko tóllantee, teg ca di jéem a wër ndomba Yékini, la ko sa waay gal-gal mbot ko. Noonu boppu mbëru ekiri Bul Faale laal suuf, tax ba Yékini am ndam ci kawam. Senewebnews a leen baaxe nataal i xew-xew bu réy bii.

APS : Dibéer 5 Sulet 2009
Elton daan na Yékini Siñoor, gàddu ndamul joηante CLAF bu 2009  

Ndakaaru, 5 Sulet (APS) - Seex Kan, ñu di ko wax ‘’Elton’’ bu ekiri Bàlla Gay, jél na ndamul ñetteelu joηante bëre dóor (CLAF), ci kaw Yékini Siñoor, ca estaad Demba Jóob bu Ndakaaru, la taskatu xibaar bu yéenekaay APS wax. Moor Taal Njaay, ñu di ko wax Jékini Siñoor, a ngi ñàkk bëré boobu gannaaw jàppante bu ëpp ñaari minit. Elton a ngi sukkandiku ci dooleem (120 kg), ngir moy ñaari yoon njuuy yi ko Yékini tegaloon, laata mu koy daan.

WalFadjri : Gaawu 4 Sulet 2009
[Futbal] Ekibu réew mi : Ab doomu réew meey wuutu Lamin Njaay

Li wóor ci kiy wuutu Lamin Njaay ci tàggat ekibu futbalu réew mi, mooy ne doomu réew mi lay doon. Mbooloo mi ñu dénk méngale futbalu réew mi (Le Comité de normalisation) am na yaakaar ne dees na ko tabb laata njeexitalu weeru sulet.  Ki yor doxalinu Mbooloo mi, Aas Maamun Séy, siiwal na ne kiy tàggat ekibu futbal bu réew mi ‘doomi réew mi lay doon’. ‘Mën naa leen firndéel ne Mbooloo mi def na ligéey bu am solo te dina jiital ab doomi réew mi ngir muy tàggat ekibu réew mi’, la S. Séy leeral.

Le Monde : Àllarba 17 Sue 2009
Futbal: Paap Juuf doonatul njiitul OM.

MÀRSEY (Reuters) - Paap Juuf juge na ci boppu Olempig bu Màrsey àllarba jii gannaaw ab ndaje ca Suris (Zurich) ak Robeer Luwi-Dreyfus, aksoneer bi ëppale ci klëb boobu ak Saawie Bukobsa, di xelal boroom koppar woowu, la kii di Robeer Lui-Dreyfus xamale.

xibar.net : Gaawu 13 Sue 2009
Jëfandikug fetal :bu Yekini moyuwul ñu tëj ko kaso te aj ko.

Ndajeem Yekini, Gri Bórdóo ak taskatu xibaar yi te aju ci bëre binuy waajal mujj na naqari. Maanaam, « buuru làmb ji » dafa soqi sox jémële ci ñi far ak ki mu wara dajeel. Ci loolu, kooku bokk ci « ekiri Ndakaaru » dugal na boppam ci tëkkug ay daan ci yoon ak ci Kuréel giy saytu Làmb ji.

Le Soleil : Talaata 2 Sue 2009
Tàggat-yaramu way-laago yi - 9eelu Pewla ca Niseer : Senegaal ñibbisi naak 20 raaya teg ci doon 2eel.

Senegaal mi teewoon ca ndajeem Powum Elëgu way-laagoy Afrig yi (PEWLA) yu Ñaamey ca Niseer (25-30 mee), ñibbisinaak leget gu fees ak ndam. 20 raaya yoy 11 oor, 6 xaalis ak 3 përëm, ku yaboo ne kon ñoñi Santi Aañ yi sant nañu. Bu ñu aarul it seen tiitëru Njiitu Afrig, suufeluñu seen bopp ndax ñooy 2eel ci ginaaw Kod-iwaar njëkk Kamerun. Ci daw, sànni-xeej, yékkati-lu-diis, bëre ak basket yépp la ñu ami raaya.

Ndakaaru, 3 mee (APS) - Bàlla Gay 2 bokk ci ekiri Bàlla Gay daan na Mustafaa Géy bu Faas tey dibéer 5 mee ca Estaad Demba Jóob ci lu matul ñaari simili.

 APS :    Àjjuma 17 Awr 2009
Gaston Mbeeng fay na 140 milyoη ci bëré Yekini/ Giri Bórdóo

Mbër yii di, Yaxyaa Jóob ‘’Yekini’’ bu ekiri Ndakaaru ak Giri Bórdóo bu ekiri Faas, di na ñu daje bisub 26 sulet biy ñëw ca Ndakaaru ci kase bu toll ci 140 milyoη FCFA, la Gaston-Mbeeng wax ca APS.